堅多福把握良機

同尤達師兄傾番上週日的「香港金盃」，談及內容當然不是「浪漫勇士」的輕勝，而是「天將龍駒」一席含金量極高的季軍名次，雖然常說有馬就有騎師，但翻睇重播騎者大半程都提醒住馬匹緊咬假想敵「遨遊氣泡」，不論潘頓末段是否ＨＥＡ騎，但巫顯東末段力騎鬥贏布文策騎的「祝願」的整場表現拼勁十足，再次要比掌聲巫顯東。而師兄再三要叮囑大家「祝願」末段強弩之末，顯然氣量不足，除長力不到二千外，再一次證明能力亦不屬一級馬行列。

今次《癲馬精選》「堅多福」今次相隔五十多天再上陣，故陣前三試大閘走勢不弱，埋門草地快跳相信用來來洩洩火，馬口稍重今次回配贏馬拍檔布文，相信最熟馬性，檔好跑法主動，五班千八路程不多，相信廄主未必等雷神回歸。

癲馬精選: 第一場 7堅多福

癲馬 1760基金 (本金全季＄1760，每次投注 WP各＄10)

承上結餘：$ 1995.50；盈/虧：- $ 20.00

結餘：$ 1975.50；回報率：+ 12.24%   (上季回報率: + 5.88%)

(波仔 4/3/2026)