嵐臣勝途求突破

今屆冠軍騎師相信而家講定係潘頓都無乜爭議，反之，冠軍練馬師似乎頗有張力，早前方嘉柏連番贏馬一度帶離，但經過廖康銘接連五W 以及沈集成剛剛亦四Ｗ，對方仔步步進逼，其實緊隨其後的呂健威新馬多的是，所以最後也不排除加入混戰之中，亦似乎解釋到方嘉柏追求莫雷拉於季尾時段作主帥的用意，因為方廄攻勢較早發動，馬匹評分相對早加上，在短兵相接下就要靠騎師刁鑽走位及彎位先發制人的跑法搭夠，亦相信如果開設「冠軍練馬師」投注，估計比單日練馬師王更吸引。

今期《癲馬精選》揀第六場季內曾贏同程的「嵐臣」，前仗蝕慢步速跑入殿軍，戰鬥力猶在，上仗縮程跑千二已經爆唔起，敗勿作準，今場不乏「百威多贏」，「綫路萬里」，「天德神影」以及「勝在當下」可作前置跑法，不排除早段會有正常偏快步速，預計採取中置後上的有機會成為今場快步速受益者的牠，而且早前負 135磅可能略為吃力，而現階段少負五磅上陣相信更有助發揮。

癲馬精選: 第六場 4嵐臣

癲馬 1760基金 (本金全季＄1760，每次投注 WP各＄10)

承上結餘：$ 1915.50；盈/虧：- $20.00

結餘：$ 1895.50；回報率：+ 7.70%   (上季回報率: + 5.88%)

(波仔 29/3/2026)