飛躍成就不容再失

眨下眼已來到聖誕快車期，跑罷今晚谷草夜賽後，下個賽日就是本過六， 12月27日的田草日賽，所以癲馬路路發先祝馬友們聖誕節快樂，接住當然喺收到馬會的聖誕禮物啦。講番今晚夜賽，杜苑欣將會臨別秋波，而出馬亦滿額，似乎各廄主都希望憑其硬功可助馬兒一臂，而今趟客串期頭馬數字雖不及麥道朗，但小妮子整體座騎實力度未算高，而暫時五W 當中亦不乏難贏的「樂勝天下」及「雙贏」，雖然未有延長客串期，但相信下季仍有機會再東來獻技。

今次《癲馬精選》決意翻兜我們曾揀過嘅馬匹，就係第三場「飛躍成就」前仗可於雙蝕形勢追入亞席，反映馬兒有作戰狀態及可谷草窄場證明，然而上仗鞍上人直路執意要再移出才望空追，跑來進退失據，雖然段速前後偏慢，水準未算太出色，所以同場「風火恆雲」再出跑田草只是近，但同場另一匹「巴閉佬」則翌仗轉戰谷草即可上名，故「飛躍成就」今場面對谷草較弱對手應有點優勢，再加上上季馬兒已在田草一哩跑近，相信已有一定氣量支持。

癲馬精選: 第三場 10飛躍成就

癲馬 1760基金 (本金全季＄1760，每次投注 WP各＄10)

承上結餘：$ 1660.00；盈/虧：+ $ 56.00

結餘：$ 1640.00；回報率：- 6.82%   (上季回報率: + 5.88%)

(波仔 23/12/2025)